Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Мөхәммәтшин: Татарстан туристлар агымы буенча Россиянең иң яхшы төбәкләре унлыгына керде
Узган ел йомгаклары буенча Татарстан туристлар агымы күләме, номерлар фонды һәм урнаштырылган кунаклар саны буенча Россиянең иң яхшы ун төбәге исемлегенә керде һәм Идел буе федераль округында беренче урын яулады. Бу хакта ТР Дәүләт Советы Рәисе Фәрит Мөхәммәтшин Идел буе федераль округы закон чыгаручылар советының 78нче утырышында хәбәр итте.
«Без Россиядә туристлар агымы күләме буенча җиденче, номерлар фонды буенча алтынчы, урнаштырылган кунаклар саны буенча бишенче урында. Татарстанда 27,5 мең номер бар. Узган елда кунаклар урнаштыру чаралары 2,7 миллион кешене кабул итте», - дип сөйләде парламент спикеры.
Мөхәммәтшин ассызыклаганча, Россиядә эчке туризм социаль-икътисади үсешнең төп драйверларының берсе булып тора. «Тармак икътисадка, кече һәм урта бизнеска ярдәм итә, инвестицияләр җәлеп итүчәнлекне ныгыта, төбәкләрнең мәдәни инициативаларын көчәйтә», – диде ул.
Кызыклы яңалыкларны күзәтеп бару өчен Телеграм-каналга язылыгыз