Мотоциклчы юлдан түбән капланып һәлак булган

(Казан, 18 июнь, “Татар-информ”). Кичә сәгать иртәнге 5 нче яртыда Балтач – Әтнә юлының 21 нче чакрымында, арбалы “ИЖ Планета-5” мотоциклы белән идарә иткән 1967 елгы ир, мототранспорт белән идарә итүгә таныклыгы бөтенләй булмаган килеш, рульга утырган һәм, хәрәкәт иминлеген тәэмин итәрлек тизлек сайлый алмаганга, юлдан аска төшеп капланган (шул рәвешле, ир кеше юл йөрү кагыйдәләренең 2.1.1 һәм 10.1 пунктларын бозган). Нәтиҗәдә, әлеге кеше, мотошлемда булса да, шунда ук үлгән.

Мотоцикл исә, дип хәбәр итә республика ЮХИДИ идарәсе, “Юл хәрәкәте куркынычсызлыгы” автоном коммерцияле булмаган оешмасы транспорт кую урынына җибәрелгән.