Мөслимдә Татарстан Рәссамнар берлегенең симпозиумы башланды
Скопировать ссылку
Бүген Мөслим районы үзәгендә урнашкан Балалар сәнгать мәктәбендә Татарстан Рәссамнар берлеге оештырган этно пленэр-симпозиум башланды.
Чарада Түбән Кама, Лениногорск, Зәй, Чирмешән, Кукмара, Дагыстан, Яшел Үзән, Алабуга рәссамнары катнаша.
Рәссамнар өчен бүген Мөслимдә экскурсияләр үткәрелде. Алар районның «Кояшкай» балалар бакчасын, музейны, «Батырлар» йортын, бассейнны, китапханәләрне карады.
Рәссамнар симпозиумы 3 мартка кадәр дәвам итәчәк.