Мөслимдә оешма-предприятие командалары арасында XXXVl кышкы спартакиада ярышлары башланды
Скопировать ссылку
Мөслим районында оешма-предприятие командалары арасында XXXVl кышкы спартакиада ярышлары башланды. Бу хакта «Мөслим-информ» хәбәр итте.
Уеннарны ачу тантанасында район башлыгы Альберт Хуҗин, катнашучыларны сәламләп, спортчыларга уңышлар теләде. «Яшьлек» спорт мәктәбе җитәкчесе Шамил Мадъяров командаларны ярышлар тәртибе белән таныштырды. Районның имам-мөхтәсибе Илгиз хәзрәт Сөнгатуллин да үгет-нәсихәтләрен җиткерде, диелә хәбәрдә.
Спартакиаданың беренче көнендә командалар бадминтон һәм аркан тарту кебек спорт төрләрендә көч сынашкан.
Нәтиҗәләр:
Бадминтон:
- I урын – эчке эшләр бүлеге һәм янгын сүндерү-коткару бүлеге командасы;
- Il урын – район советы һәм башкарма комитеты командасы;
- Ill урын – мәктәпләр җыелма командасы.
Аркан тарту:
- I урын – район советы һәм башкарма комитет командасы;
- Il урын – мәктәпләр җыелма командасы;
- Ill урын – эчке эшләр бүлеге һәм янгын сүндерү-коткару бүлеге командасы.