Җәмгыять 3 декабрь 2024 16:22

Мөслимдә ислам гаилә кыйммәтләре турында очрашу үткәрелде

Скопировать ссылку

Мөслим мөхтәсибәте 2024нче елда гаилә коручылар, шулай ук озак еллар бергә яшәгән гаиләләр белән очрашу үткәрде. Әлеге чара Россиядә игълан ителгән Гаилә елы, Татарстан мөфтияте тарафыннан игълан ителгән Гаилә һәм хәләл яшәү рәвеше елы кысаларында «Мизгел» яшьләр үзәгендә узды. Бу хакта ТР Диния нәзарәте матбугат хезмәте хәбәр итә.

Очрашуда Мөслим мөхтәсибәтенең Аксакаллар шурасы рәисе Расих хәзрәт Каюмов та чыгыш ясады, ул тормыш иптәше Нурсинә ханым белән бергә 50 елдан артык бергә яшәгән, алар яшьләргә киңәшләрен җиткерде.

Үрнәк гаиләләр арасында Минһаҗевлар да аерылып торды. Гаилә башлыгы Рүзәл – Мөслим районында актив волонтер, ул солдатларга ярдәм җыю белән шөгыльләнә. Рүзәл махсус хәрби операция зонасына гуманитар ярдәм белән 22 тапкыр барган. Мөхтәсибәтнең ярдәме солдатлар өчен зур әһәмияткә ия, дип ассызыклады ул.

Очрашуда мөхтәсибәтнең гаиләләр белән эшләвенә багышланган видеоролик күрсәтелде, шулай ук «Нурлы Мөслим» газетасының махсус чыгарылышы таратылды.

Сәхифәләр

Мөслимдә ислам гаилә кыйммәтләре турында очрашу үткәрелде