Мөслим районы Симәк авылы бәйрәмендә 80 яшьлек әби-бабайларны бүләкләделәр
Скопировать ссылку
Бүген Мөслим районы Симәк авылында Авыл көне узды. Чарада бик күп кунаклар, авыл халкы катнашты.Симәклеләр көче белән үткәрелгән бәйрәм бик күпләрнең очрашу, аралашу, күрешү урыны булды. Бу хакта «Мөслим-информ»ның ВКонтакте социаль челтәрендәге сәхифәсендә хәбәр ителә.
Бәйрәмдә катнашучыларны район башлыгы урынбасары Азат Әхмәтҗанов, авыл жирлеге башлыгы Рифас Садретдинов тәбрикләде, авылның 80 яше тулып узган ак әбиләре һәм бабайларын хөрмәтләп, истәлек бүләкләре тапшырдылар.
Бәйрәм чарасы матур җырлар, биюләр һәм кызыклы уеннар белән үрелеп барды.
Фото: Фәридә Гайнетдинова