Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Мошенниклар, арзан бензин вәгъдә итеп, Түбән Кама кешесенең 120 мең сум акчасын урлаган
Түбән Камада яшәүче кеше, арзан бензин сатып алырга тәкъдим иткән сылтама аша үткәч, 120 мең сум акчасыннан мәхрүм булган. Бу хакта «Татар-информ»да мошенникларга каршы көрәш темасына багышланган матбугат очрашуында Татарстан Республикасы Прокуратурасының тикшерү һәм оператив-эзләү эшчәнлеген күзәтү идарәсендә эчке эшләр органнарында тикшерүне күзәтү бүлеге прокуроры Алмаз Фәттахов сөйләде.
«Түбән Каманың хокук саклау органнары зарарлы программа тәэминаты кулланып акча урлау очракларын теркәде. Зыян күрүче, Түбән Камада яшәүче ир-ат, интернетта бензинны арзан бәягә сатып алырга тәкъдим иткән сылтаманы күреп алган», – дип сөйләде ул.
Белдерүдә күрсәтелгән сылтама аша үтеп, Түбән Кама кешесе куллану җайланмасына зарарлы программа керткән. Берникадәр вакыттан соң, берни сизенмәгән ир-атның банк картасыннан 120 мең сум акча юкка чыккан.
Алмаз Фәттахов шулай ук явыз ниятлеле мошенникларның вазгыятькә тиз яраклашуын һәм гражданнарны алдау өчен үткен социаль темаларны куллануын билгеләп үтте.
Яңалыкларны күзәтеп бару өчен Макс-каналга язылыгыз