Мөселман хатын-кыз оешмалары Бөтендөнья хиҗаб көненә багышланган конкурста катнаша ала
Россиядәге мөселман хатын-кыз оешмаларын Бөтендөнья хиҗаб көненә багышланган конкурста катнашырга чакыралар. Чара Бөтендөнья хиҗаб көненең 10 еллыгына багышлап уздырыла.
Конкурста катнашырга теләүчеләр 2023 елның 3 февраленә кадәр теркәлү узарга тиеш. Бу хакта Россия мөфтиләр шурасы матбугат хезмәте хәбәр итә.
6-10 февральдә жюри әгъзалары тарафыннан җиңүче 3 төбәк сайлап алыначак, аларны 16-17 февральдә Мәскәүгә бүләкләүгә чакырачаклар.
Чараны Хатын-кызлар хезмәттәшлеге ассоциациясе ярдәме белән РФ мөселманнары Диния нәзарәте, Россия мөфтиләр шурасы оештыра.