Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мөселман җәмгыяте Мәскәүдә Ислам мәдәнияте үзәген ачты
20 мартта Мәскәүдә тантаналы рәвештә «Истина» Ислам мәдәнияте үзәге ачылды. Бу хакта IslamNews мәгълүмат агентлыгы проектта катнашучыларның берсе, мөселман эшлеклесе Алмаз Абдрахмановка сылтама белән хәбәр итә.
Очрашуга дин һәм җәмәгать эшлеклеләре, меценатлар, әлеге мәдәни үзәкне оештыруга катнашы булган башка кешеләр җыелды. Алар арасында Мәскәү мөфтие Илдар Әләүтдинов, Мемориаль мәчет имамы Әсхәт Гыйматдинов, Мәскәү шәһәре Төньяк административ округы префектурасының Социаль өлкәне үстерү идарәсе башлыгы Вадим Петров һәм башка кунакларны атап үтәргә мөмкин.
Мәскәү мөфтие Илдар Әләүтдинов, башкалада мәчетләр саны җитәрлек булмавын исәпкә алып, мондый үзәкләрнең актив эшчәнлеге зур әһәмияткә ия булуын билгеләп үтте. Шундый һәр оешма мөселманнарны укыту һәм агартуга саллы өлеш кертә.
Чарада яңа, заманча концепция тәкъдим ителде, дини оешмада эш шуңа таянып алып барылачак. Аның хакында Мәдәни үзәк имамы Шамил Мөхәммәтханов сөйләде. Аның сүзләренчә, Мәдәни үзәктә дини, мәдәни һәм агарту чаралары үткәреләчәк. Алар – көндәлек биш вакыт намаз, җомга намазы, Ураза һәм Корбан бәйрәмнәрендәге намазлар, шулай ук Рамазан аендагы тәравих намазлары. Үзәктә Коръән дәресләре керәчәк, гарәп телен өйрәтәчәкләр.
Мәдәни-агарту семинарлары, түгәрәкләр, мастер-класслар һәм төрле темаларга оештырылган чаралар мөселманнарны рухи һәм интеллектуаль яктан үстерүгә ярдәм итәчәк.
Кызыклы яңалыкларны күзәтеп бару өчен Телеграм-каналга язылыгыз