Спорт 29 август 2014 10:41

Морозов Казандагы саубуллашу матчына күпьеллык партнерларын чакырачак

“Уенны КХЛның регуляр чемпионатында тәнәфесләрнең берсендә оештырырга җыенабыз”, - дип сөйләде хоккейчы агенты.

Скопировать ссылку

(Казан, 29 август, “Татар-информ”). Хоккей остасы Алексей Морозовның агенты Юрий Николаев хоккейчының Казанда узачак саубуллашу матчы нечкәлекләре белән уртаклашты.

Элегрәк Казанның “Ак Барс” хоккей командасы һәм Россия җыелмасының элеккеге капитаны Алексей Морозовның саубуллашу матчын уздыру урыны билгеле булган иде. Форвард уенны Казанда үткәрәчәк.

37 яшьлек уенчы “Крылья Советов”, “Питтсбург”, “Ак Барс”, “ЦСКА” командалары өчен чыгышлары белән танылган. Морозов – Наганода Олимпия уеннарының көмеш призеры, 2008 һәм 2009 нчы елларда дөнья чемпионы, ике тапкыр Гагарин Кубогы иясе, 2005-2006 нчы елгы сезонның өч тапкыр Россия чемпионы, Ауропа чемпионнары Кубогы иясе-2007, КХЛның хет-триклар саны буенча рекордсмены.

“Алексей саубуллашу матчын Казанда уздырырга карар кылды, чөнки бу шәһәрдә ул ун елга якын вакыт уйнады, - дип шәрехли Николаевны “СЭ”. – Үткәрү датасын әлегә әйтә алмыйбыз. Алексей озак еллар дәвамында уйнаган хоккейчылар уйный алсын өчен, уенны КХЛның регуляр чемпионатында тәнәфесләрнең берсендә оештырырга җыенабыз. Ул аларны чакырырга тели”.

Сәхифәләр

Морозов Казандагы саубуллашу матчына күпьеллык партнерларын чакырачак