Татар дөньясы 25 июль 2024 10:07

Мордовиянең Ләмбрә авылы яшь мөселманнары өчен патриотик дәрес үткәрделәр

Скопировать ссылку

Ләмбрә мәчете каршындагы җәйге мәйданчыкта катнашучылар Саранскида урнашкан Хәрби һәм хезмәт батырлыгы мемориаль музеенда булды. Бу хакта Россия мөфтиләре шурасы хәбәр итә.

Яшь кунаклар экскурсиядә булган, Сталинград сугышы һәм әлеге тарихи сугышта катнашкан мордовиялеләр турында белгән. Аннары алар «Сталинград сугышы» диорамасын – эзләү отрядлары сугыш урыннарында тапкан тарихи артефактлар белән тулыландырылган Мордовия рәссамы иҗат иткән сәнгати тукыманы караган. Шунда ук Бөек Ватан сугышы чоры кораллары үрнәкләре каралган. Экскурсиянең чираттагы этабы Икенче бөтендөнья сугышының борылышлы явы турында кызыклы документаль фильм карауга багышланган. Азакта музей белгече АК-74 автоматын сүтеп һәм җыеп күрсәткән һәм балаларга моны үзләренә дә эшләп карарга тәкъдим иткән.

Ләмбрә авылы мәчете имамы Рәшид Сәйфуллов әйтүенчә, мәчет каршындагы балалар өчен җәйге мәйданчыкка ихтыяҗ бик зур. Анда барлыгы 50дән артык укучы йөри.

«Мәйданчыкта без рухи-әхлакый темаларга әңгәмәләр уздырабыз, халкыбызның традицион кыйммәтләре турында сөйләшәбез, спорт чаралары, мастер-класслар уздырабыз. Хәрби һәм хезмәт батырлыгы мемориаль музеена бару балаларыбыз өчен кирәкле патриотик тәрбияне бирүнең мөһим өлеше булып тора. Мин әлеге сәфәрне оештыручылар һәм иганәчеләргә, шулай ук музей хезмәткәрләренә кызыклы һәм файдалы экскурсия өчен рәхмәт белдерәм», - дип билгеләп үтә имам Рәшид Сәйфуллов.

Сәхифәләр

Мордовиянең Ләмбрә авылы яшь мөселманнары өчен патриотик дәрес үткәрделәр