news_header_top_970_100
news_header_bot_970_100

Мордовиядә узачак Бөтенроссия авыл Сабантуе программасы билгеле

Июль аенда Мордовия XII Бөтенроссия авыл Сабан туен кабул итә. Сабан туе бәйрәме Ләмбер районында узачак, дип хәбәр итә Бөтендөнья татар конгрессы матбугат хезмәте.

1 июльдә Ләмбердә Татарстан Республикасы сәнгать эшлеклеләренең концерты була. Бәйрәмнең төп чаралары 2 июльдә Аксеново авылында узачак. Сабантуйга Россиянең 30дан артык төбәгеннән, шулай ук Мордовиянең барлык районнарыннан кунаклар килер дип көтелә.

Сабан туенда берьюлы берничә мәйданчык эшләячәк. Төп мәйданда фестивальне ачу тантанасы узачак. Сабантуйның икенче мәйданчыгы – «Фестивальләр фестивале», анда концертлар, фестивальләр һәм бию флешмоблары уза.

Башка мәйданчыкларда «Батыр-2022» билбау көрәше буенча Бөтенроссия ярышлары оештырыла. Шулай ук ат чабышлары өчен ипподром җиһазландырылган. Бу ярышларда җиңүчеләр бүләккә автомобиль алачак.

Моннан тыш, Сабан туенда этник авыл һәм татар базары оештырыла, анда кунаклар төрле халыкның үзенчәлекле мәдәнияте белән таныша, шулай ук милли ризыкларны татып карый алачак.

Сабан туе бәйрәмендә авыл хуҗалыгы техникасы, ретро-автомобильләр һәм авыл хуҗалыгы хайваннары күргәзмәләре эшләве көтелә. Милли спорт төрләре – армреслинг, гер спорты буенча республика спартакиадасы узачак, мордва милли көрәше һәм фин-угыр ярышлары традицияләрен реконструкцияләү тәкъдим ителә.

news_right_column_1_240_400
news_right_column_2_240_400
news_bot_970_100