Татар дөньясы 6 октябрь 2018 16:56

Мордовиядә беренче тапкыр "Татар кызы" конкурсы уза

Җиңүчегә Казанга ике кешелек юллама тапшырылачак.

Скопировать ссылку

(Казан, 6 октябрь, "Татар-информ"). Мордовиядә беренче тапкыр "Татар кызы"н сайлаячаклар. Бу хакта конкурсның төбәк өлешен оештыручылар хәбәр итә.

Бәйгедә кызларның матурлыклары гына түгел, ә тыйнаклык, тугрылык, эш сөючәнлек сыйфатлары, халык йолаларына һәм гореф-гадәтләренә хөрмәт һәм яратулары да исәпкә алыначак.

Сайлап алу турын узган 9 туташ жюрига сәләтләрен күрсәтергә, милли киемнәрдән дефиле белән чыгыш ясарга, аш-суга осталыкларын күрсәтергә тиеш була.

Мордовиянең "Татар кызы-2018" исеменә лаек булучыны ноябрь башында ачыклаячаклар. Җиңүчегә Казанга ике кешелек бай программалы юллама тапшырылачак.

Татар халкының мәдәниятен, гореф-гадәтләрен, йолаларын популярлаштыруны максат итеп куйган бәйгене Мордовия татарларының "Якташлар" милли-мәдәни автономиясе, "Ислам мәдәни үзәге", Мордовия Республикасы татар хатын-кызларының "Чулпан" иҗтимагый оешмасы уздырыла.

#мордовия #татар кызы

Сәхифәләр

Мордовиядә беренче тапкыр "Татар кызы" конкурсы уза