Татар дөньясы 8 декабрь 2016 09:43

Мордовия татарлары милли-мәдәни хәрәкәтнең 25 еллыгын бәйрәм итә

Бүген Саранскида Мордовия “Якташлар” татар милли-мәдәни мохтариятенең сайлау-хисап конференциясе уза.

Скопировать ссылку

(Казан, 8 декабрь, "Татар-информ") Мордовия татарлары үзләренең милли-мәдәни хәрәкәтенә 25 ел тулуны бәйрәм итә. Бәйрәм чаралары 8 декабрьдә Саранскида Мордва дәүләт милли драма театрында оештырыла, дип хәбәр итә “Вестник Мордовии” мәгълүмат агентлыгы.

Көн кадагында – Мордовия “Якташлар” татар милли-мәдәни мохтариятенең сайлау-хисап конференциясе. Утырышта татарларның һәм республикада яшәүче башка халыкларның үзенчәлеген саклап калу, халыкның рухи-әхлакый нигезен ныгыту мәсьәләләре күтәреләчәк.

Театр бинасында шулай ук татар халкының декоратив-гамәли сәнгать эшләнмәләре күргәзмәсе ачыла. Утырыштан соң татар милли хәрәкәтенең 25 еллыгына һәм Ләмбер районындагы Ләмбер авылында Татар мәдәнияте үзәге ачылуга 25 ел тулуга багышланган бәйрәм концерты булачак.

#Мордовия #Саранск #Ләмбер

Сәхифәләр

Мордовия татарлары милли-мәдәни хәрәкәтнең 25 еллыгын бәйрәм итә