Хәвеф-хәтәр 6 февраль 2017 13:50

Монополиягә каршы федераль хезмәт Татарстанда карабодайга бәя артуның сәбәпләрен тикшерә

Бер атна эчендә карабодайга бәя ике тапкырга диярлек арткан.

Скопировать ссылку

(Казан, 6 февраль, “Татар-информ”, Айрат Мөхәмәдьяров). Россия Монополиягә каршы федераль хезмәтенең Татарстан буенча идарәсе “Ашан”, “Бәхетле” һәм “Перекресток” сәүдә челтәрләрнә карата эш кузгаткан. Идарә тармагы сатучылар арасында Татарстан территориясендә карабодайга бәяне арттыру турында килешү төзелгән дип шикләнә. Бу хакта идарәнең матбугат хезмәте хәбәр итә.

Россия Монополиягә каршы федераль хезмәтенең Татарстан буенча идарәсе карабодайга нигезсез бәя арту очраклары турында мөрәҗәгатьләр халыктан килә тора дип искәрткән. Әмма суд монополиягә каршы хезмәтнең карарларын кире кага.

“Шулай итеп, монополиягә каршы органга мөрәҗәгать итүчеләрнең берсе “Ашан” гапермаркетында ярма бәясе “бер атна дигәндә ике тапкыр диярлек – 56 сумнан 97 сумга арты” дип белдергән. Карабодай бәясенең артуына башка гражданнар да игътибар иткән”, - дип билгелиләр Россия Монополиягә каршы федераль хезмәтенең Татарстан буенча идарәсендә.

“Ашан”, “Бәхетле” һәм “Перекресток”тан кала идарә тармагы “Тандер” акционерлык җәмгыятен, “Агроторг” җаваплылыгы чикләнгән җәмгыятьне дә тикшерәчәк. Эшне беренче тапкыр карап тикшерү 21 февральгә билгеләгән.

#Ашан #Бәхетле #Перекресток #Монополиягә каршы хезмәт #карабодай

Сәхифәләр

Монополиягә каршы федераль хезмәт Татарстанда карабодайга бәя артуның сәбәпләрен тикшерә