Казанда мотоцикл һәм җиңел автомобиль катнашындагы авариянең видеосы чыкты
Скопировать ссылку
Казанда мотоцикл һәм Audi автомобиле катнашындагы авариянең видеосы чыкты. Язма Татарстан башкаласының бер интернет-берләшмәсендә урнаштырылган. Юл һәлакәте узган җомгада Юдинода булган. Видеодан күренгәнчә, мотоциклчы идарәсен югалта һәм Audi автомобиленең көпчәге астына килеп керә.
М.Н.Садыйков исемендәге 7нче шәһәр клиник хастаханәсеннән «Татар-информ» агентлыгына хәбәр итүләренчә, мотоциклчыны авыр хәлдә сырхауханәгә китергәннәр. Ир-ат реанимациядә ята, аңа тиешле медицина ярдәме күрсәтелә.