Казанның Горький шоссесында берничә машина катнашындагы авария видеога эләккән
Скопировать ссылку
Казанның Горький шоссесында дүрт автомобиль катнашындагы юл-транспорт һәлакәте видеога эләккән. Язма шәһәр интернет-берләшмәләренең берсендә чыкты. Роликта автомобильнең каршы як полосага чыгуы һәм икенче җиңел машина белән кара-каршы бәрелешүе күренә, шуннан соң тагын ике автомобиль авариягә очрый.
Казан шәһәре Дәүләт автоинспекциясендә «Татар-информ» агентлыгына элегрәк хәбәр итүләренчә, авария нәтиҗәсендә «Лада Калина» автомобилендә барган ике кеше зыян күргән. Каршы як полосага чыккан автомобиль нәкъ менә аңа килеп бәрелгән.
Авариядән соң шосседа зур бөке барлыкка килгән.