Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Мөфти Тәлгать Таҗетдин Россиядә иң популяр мөселман исемнәрен атады
Россиядә мөселманнар арасында яңа туган малайларга еш кына Мөхәммәд, Гомәр, Госман һәм Али исемнәрен кушалар. Кызларда Хәдичә һәм Гайшә исемнәре аеруча популяр. Бу хакта РИА Новости агентлыгына биргән интервьюсында Россия мөселманнарының Үзәк Диния нәзарәте рәисе Тәлгать Таҗетдин сөйләгән.
Мөфти сүзләренчә, ата-аналар еш кына улларына Пәйгамбәребез Мөхәммәд салләллаһу галәйһи вә сәлләм һәм аның сәхабәләре, шул исәптән Әбу-Бәкер, Гомәр, Госман һәм Али хөрмәтенә аларның исемнәрен кушалар. Шул ук вакытта төрле халыкларның туган телләрендәге традицион исемнәр дә популяр.
Хатын-кыз исемнәре арасында Таҗетдин Хадичә һәм Гайшәне аерып әйтте һәм киң таралган исемнәр исемлеге күпкә киңрәк булуын билгеләп үтте.
Мөфти шулай ук балага исем сайлаганда ата-аналарның исемнең яңгырашын гына түгел, ә мәгънәсен исәпкә алуы мөһим, дип ассызыклады. Аның сүзләренә караганда, гаиләләр исем кушу йоласына килгәндә, дин әһелләре аларга сайланган исемнең мәгънәсен аңлата. Таҗетдин фикеренчә, исем кешенең язмышына йогынты ясый ала, шуңа күрә исем сайлау эшенә аңлы рәвештә якын килергә кирәк.
Яңалыкларны күзәтеп бару өчен Макс-каналга язылыгыз