Мөфти Палестинадан килгән студентларга эшкә урнашуда ярдәм итәргә өндәде

Скопировать ссылку

Татарстан мөфтие Камил хәзрәт Сәмигуллин Казандагы Палестина студентларына ярдәм итәргә өндәде, алар эшкә урнашырга тели. Бу хакта ул «Советлар Берлегендә мөселман уку-укытуы һәм мәгърифәтчелек» IX Гомумроссия фәнни-дини җыелыштагы чыгышында әйтте.

«Без Палестина халкы өчен дога кылырга тиеш. Кичә Палестинадан килгән студентлар белән очрашу булды. Бездә Газа Секторыннан килгән студентлар бар Алар гаилә, үз хәлләре турында сөйләгәннән соң, күз яшьләрен тыеп тора алмадык. Бер егетнең 15 туганы үлгән. Икенчеләре уку өчен түли алмый. Алар акча сорамый. «Эшкә урнашырга ярдәм итегез», - диләр», - дип сөйләде ул.

Мөфти студентларга ярдәм итү мөмкинлекләрен дә әйтте.

«Без аларга ярдәм итәргә тырышырбыз. Уку өчен түләргә акча җыярбыз. Мөселман эшмәкәрләре, бәлки, аларга эш бирә алыр. Студентларның дүртесе - хафиз. Имамнарның берәрсе, хафизны үзенә алып, түләүле түгәрәк ача, аның белемен куллана ала. Студентка акча эшләү мөмкинлеге булыр иде», - дип сөйләде ул.

#Татарстан Диния нәзарәте #Камил хәзрәт Сәмигуллин

Сәхифәләр

Мөфти Палестинадан килгән студентларга эшкә урнашуда ярдәм итәргә өндәде