Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мөфти Гайнетдин патриарх Кириллны I дәрәҗә «Әл-Фәхр» ордены белән бүләкләде
Россия Динара советы утырышында РФ мөселманнары Диния нәзарәте рәисе, шәех мөфти Равил Гайнетдин Рус православие чиркәве җитәкчесе Мәскәү һәм бөтен Русь патриархы Кириллга Россия мөселманнарының иң югары бүләген - I дәрәҗә «Әл-Фәхр» Мактау орденын тапшырды. Бу хакта РФ мөселманнары Диния нәзарәте матбугат хезмәте хәбәр итә.
«Россия Федерациясе мөселманнары Диния нәзарәте президиумы Мәскәү һәм бөтен Русь Патриархы Кириллны Россия мөселманнарының иң югары бүләге - «Әл-Фәхр» ордены белән бүләкләү турында карар кабул итте, бу Россия Динара советының 25 еллыгы һәм Ватаныбыз халыкларының бердәмлеге хакына күпьеллык хезмәтләр белән бәйле», - дип белдерде Россия мөселманнарының дини лидеры.
Мөфти Гайнетдин имзалаган карар нигезендә, бүләк «Рус православие чиркәвенең ислам дөньясы белән диннәр арасындагы мөнәсәбәтләрне күпьеллык ныгытуга һәм үстерүгә зур шәхси өлеш керткән, Россиядә милләтара һәм динара тынычлыкны һәм килешеп яшәүне кайгырткан өчен, шулай ук Россия Динара советның 25 еллыгы белән бәйле рәвештә» тапшырылган.
Кызыклы яңалыкларны күзәтеп бару өчен Телеграм-каналга язылыгыз