Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мобилизацияләнгән казанлыларның балалары җәмәгать транспортында бушлай йөри алачак
10 октябрьдән Казандагы мобилизацияләнгән гаиләләрнең балалары өчен җәмәгать транспортында йөрү түләүсез булачак. Казан мэры Илсур Метшин өлешчә мобилизацияләүгә бәйле социаль-гуманитар мәсьәләләр буенча шәһәр штабы утырышында шундый ярдәм чарасы турында хәбәр итте.
Шулай ук республика Мәдәният министрлыгы ярдәме белән мобилизацияләнүчеләрнең балалары түләүсез муниципаль, республика, дәүләт музейлары һәм театрларына, зоопаркларга, мәдәният сарайларындагы кинотеатрларга, дәүләт концерт залларында һәм филармониядәге концертларга йөри алалар. Чараларга бала бер озатучы белән килә ала. Бу хакта Казан мэриясе хәбәр итә.
Моннан тыш, мобилизацияләнүчеләрнең балалары өчен муниципаль бассейннар, җиңел атлетика манежлары һәм тренажер заллары бушлай хезмәт күрсәтәчәк.
Казан мэры кушуы буенча 1 ноябрьдән мобилизацияләнгән гаиләләрдәге балалар өчен балалар бакчаларына йөрү дә түләүсез булачак. Ә 10 октябрьдән алар мәктәпләрдә бушлай ике тапкыр кайнар ризык белән тәэмин ителәчәк.
Кызыклы яңалыкларны күзәтеп бару өчен Телеграм-каналга язылыгыз