Мобиль бригада Бөгелмә пенсионерларына диспансеризация узарга ярдәм итәчәк
Ел ахырына кадәр медицина оешмаларына Мобиль бригада тарафыннан 1344 кеше китереләчәк.
(Бөгелмә, 8 август, "Татар-информ", "Бөгелмә авазы"). Бөгелмә районының авыл җирлегендә яшәүчеләре Үзәк район хастаханәсендә диспансеризация уза алачак. Бу турыда җирле басма хәбәр итә.
Бу эштә аларга пациентларны хастаханәгә илтәчәк Мобиль бригада ярдәм итәчәк.
Мобиль бригада беренче сентябрьдә "Демография" милли проектының "Өлкән буын" региональ проектын тормышка ашыру кысаларында эшли башлаячак.
Мобиль бригаданы оештыру өчен аз хәрәкәтләнүче гражданнарны йөртү өчен җайлаштырылган автомобиль бүлеп бирелгән.
Статистика мәгълүматларына караганда, Бөгелмә районында 65 яшьтән өлкәнрәк ике меңнән артык граждан яши. Ел ахырына кадәр медицина оешмаларына Мобиль бригада тарафыннан 1344 кеше китереләчәк.