Митрополит Феофан Татарстан православие вәкилләрен Раштуа белән котлады
Феофан кешеләрне традицион кыйммәтләр тирәсендә туплауны максат итеп куйган соңгы еллардагы изге башлангычларны билгеләп үтте.
(Казан, 6 гыйнвар, «Татар-информ»). Казан һәм Татарстан митрополиты Феофан Татарстан православие вәкилләрен Раштуа белән тәбрик итте. Архиерейның Раштуа юлламасы митрополит сайтында дөнья күргән.
Митрополит дип тотучыларны «кешелек нәселе тарихындагы иң бөек, шатлыклы вакыйга» белән котлый.
Феофан кешеләрне традицион кыйммәтләр тирәсендә туплауны максат итеп куйган соңгы еллардагы изге башлангычларны билгеләп үтте. Ул шулай ук ТР Дәүләт Киңәшчесе Минтимер Шәймиев һәм аның җитәкчелегендәге «Яңарыш» фонды ярдәме белән Казан Изге Ана иконасы чиркәвенең яңадан торгызылуын телгә алды.
Моннан тыш, митрополит яңа чиркәүләр төзүдә һәм искеләрен төзекләндерүдә Татарстан Президенты Рөстәм Миңнехановның актив ярдәм күрсәтүен билгеләп үтте