Икътисад 1 июнь 2023 16:44

Мишустинның кулыннан планшетын алып идәнгә ыргытканнар

Скопировать ссылку

Россия Премьер-министры Михаил Мишустинга илебездә ясалган планшетның бәрелү-сугылуга ни дәрәҗәдә чыдам булуын күрсәттеләр. РФ вице-премьеры Дмитрий Чернышенко Түбән Новгородта узган «Сәнәгый Россиянең цифрлы индустриясе» конференциясендә аның кулыннан планшетын алып идәнгә ыргытты.

Краш-тестның видеокадрлары Lenta.ru порталында чыккан. «Ул чит илдә эшләнгәннәреннән бераз авыррак, әмма иң кыены – беренче адымны ясау», - диде Мишустин аның кулыннан планшетны алган вакытта.

«Болай ярамый бит инде», - диде ул техниканы идәнгә бәргәннән соң.

«Юк, бу нормаль хәл. Кеше көндәлек тормышта техниканы төшереп тә җибәрә, моның бер начарлыгы да юк», - дип җавап бирде Чернышенко.

Искәртеп узабыз, биредә Россиядә эшләнгән KVADRA_T планшеты хакында сүз бара, аны Yadro компаниясе тәкъдим иткән. Җитәкчеләр әйтүенчә, киләсе елдан планшет Россия процессорында җитештереләчәк, «аның калган барлык әйберләре дә бездә эшләнгән».

Сәхифәләр

Мишустинның кулыннан планшетын алып идәнгә ыргытканнар