Җәмгыять 10 июнь 2023 12:39

Мишустин яшәү өчен кирәкле дарулар исемлеген тулыландырды

Скопировать ссылку

Яшәү өчен кирәкле һәм мөһим дарулар исемлеге яңа дарулар белән тулыландырылды, шул исәптән хроник авырулы балаларны дәвалау өчен. Боерыкка Россия Премьер-министры Михаил Мишустин имза куйды.

«Яңартылган исемлеккә 4 медикамент өчен өстәмә дару формалары кертелгән», диелә Хөкүмәт сайтында чыккан аңлатма язуында.

Шулай итеп, глекапревир+пибрентасвир препараты өчен (С хроник гепатиты белән авыручы балаларга вируска каршы терапия буларак кулланыла) тышча белән капланган гранулалар өстәлгән.

Шулай ук яңа дару формалары да өстәлде: итроптерин (фенилкетонурия белән авыручы өлкәннәрне һәм балаларны дәвалау өчен билгеләнә), авыртуны баса торган «Просидол» (тел астына сала торган таблетка), иммунодепрессант пирфенидон даруы.

Исемлеккә барлыгы 800дән артык медикамент керә, аларның бәяләре дәүләт тарафыннан көйләнә. Мондый препаратлар гражданнарга түләүсез медицина ярдәме күрсәтүнең дәүләт гарантияләре программасы кысаларында пациентларны дәвалаганда кулланыла.

Сәхифәләр

Мишустин яшәү өчен кирәкле дарулар исемлеген тулыландырды