Сәясәт 23 март 2023 16:02

Мишустин Россиянең иң төп гомумдәүләт бурычын атады

Скопировать ссылку

Россиянең иң мөһим гомумдәүләт бурычы - кешенең сәламәтлеген саклау һәм ныгыту, шулай ук аның гомер озынлыгын арттыру. Бу хакта Россия премьер-министры Михаил Мишустин РФ Хөкүмәтенең парламент алдындагы еллык хисабы барышында әйтте.

«Без барыбыз да илебезне көчле һәм заманча итеп күрергә телибез, димәк, гражданнар һәрвакыт сыйфатлы дәвалану мөмкинлеге алырга тиеш», - диде Мишустин.

Аның сүзләренчә, узган ел 270 хастаханә һәм поликлиника төзелде, шулай ук 700дән артык тиз төзелә торган фельдшер-акушерлык пунктлары һәм амбулаторияләр ачылды. Шулай ук 1,3 мең сәламәтлек саклау объектына капиталь ремонт ясалды, медицина учреждениеләрендә 37 меңнән артык медицина җиһазлары урнаштырылды.

Моннан тыш, 2 мең ашыгыч ярдәм машинасы, табибларны һәм пациентларны йөртү өчен 4 мең машина сатып алынды.

«Югары технологияле ярдәм алу мөмкинлеген киңәйттек, федераль медицина оешмаларында күрсәтелә торган сигез яңа төрне өстәдек. Узган ел 1,5 млн кеше бушлай ярдәм алды, бу үткән ел белән чагыштырганда 10 процентка күбрәк. Һәм бу коры саннар гына түгел, бу табибларның беренче класслы хезмәтенә һәм күп кенә пациентларны авырулардан дәвалауга бәйле», - диде Россия Премьер-министры.

Сәхифәләр

Мишустин Россиянең иң төп гомумдәүләт бурычын атады