Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Мишустин: «ЭНЕРГОПРОМ» форумы кебек очрашулар санкция шартларында бик мөһим
РФ Премьер-министры Михаил Мишустин «ЭНЕРГОПРОМ» Татарстан халыкара энергетика форумында катнашучыларга мөрәҗәгать итте, чара 2 апрельдә «Казан ЭКСПО»да башланды һәм 4 апрельгә кадәр дәвам итәчәк.
«Бу - технологик компанияләр һәм фән вәкилләре, экспертлар конструктив диалог алып бара, үзара тәҗрибә, кызыклы идеяләр, иң яхшы практикалар белән алмаша торган мәйданчык. Һәм хәзер, моңарчы күрелмәгән санкцияләр шартларында, мондый очрашуларның әһәмияте тагын да арта», – дип саный Мишустин.
Ягулык-энергетика комплексы - Россия икътисадының төп өлешләреннән берсе, җитештерүне үстерү дә шул исәптән аңа бәйле.
Мишустин тармак алдында торган бурычларны билгеләде. Алар арасында илнең энергия куркынычсызлыгын тәэмин итү, энергия ресурсларының эчке базарын үстерү, экспорт потенциалын гамәлгә ашыруны атап үтәргә мөмкин.
«Форум ягулык-энергетика комплексын үстерүнең перспектив юнәлешләре турында фикер алышырга, актуаль сорауларга җавап табарга, партнерлык элемтәләрен ныгытырга, үзара файдалы хезмәттәшлек турында килешүләр төзергә мөмкинлек бирер дип ышанам», - дип сүзен төгәлләде ул.
Искәртеп үтәбез, «ЭНЕРГОПРОМ» форумы (2025 елга кадәр – «ТЭФ») Россия энергетика министры Сергей Цивилев катнашында уза.
Кызыклы яңалыкларны күзәтеп бару өчен Телеграм-каналга язылыгыз