«Мисс Татарстан» президенты: Идеаль кыз табигый һәм эчкерсез булырга тиеш
Изольда Сахарова акыллы һәм матур кешеләрне капма-каршы куеп чагыштыру дөрес түгел дип саный.
(Казан, 2 февраль, «Татар-информ», Зилә Мөбәрәкшина). «Мисс Татарстан» конкурсы президенты Изольда Сахарова идеаль сыйфатларга ия булган кызларны бәяләү серләре белән уртаклашты.
«Без башта кешелек дөньясы мәдәнияте булдырган матурлык идеалын формалаштырабыз. Кыз табигый, гармонияле, сөйләшүгә ачык һәм эчкерсез булырга тиеш, бу сыйфатлар аны идеалга якынайта», — диде ул «Татар-информ» мәгълүмат агентлыгында үткән матбугат очрашуында.
Изольда Сахарова акыллы һәм матур кешеләрне капма-каршы куеп чагыштыруларын аңламавын әйтте. «Акыллы кеше үз-үзен карарга, ә матур кеше акыллы булырга омтылырга тиеш дип уйлыйм», — диде ул.