Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Миронов: Тулай торак өчен түләү бәясе стипендиянең 10 процентыннан артмаска тиеш
Студентлар өчен тулай торакта яшәү бәясе стипендия күләменең 10 процентыннан артмаска тиеш. Урыннар җитмәү проблемасын социаль аренда механизмы аша хәл итәргә кирәк. Мондый фикерне Дәүләт Думасы депутаты Сергей Миронов белдерде. Аның сүзләрен РИА Новости китерә.
Ул хәбәр иткәнчә, яңа уку елы алдыннан студентлар тулай торакта яшәү өчен түләү бәясе артуга зарлана. Аның сүзләренчә, ел саен сентябрь башланыр алдыннан тарифлар 10-30 процентка арта. Нәтиҗәдә студентлар тулай торакка айлык чыгымнарга бөтен стипендиясен яки аннан да күбрәк акча сарыф итә. Миронов билгеләп үткәнчә, мондый очракта бөтен стипендия яшәү өчен түләүгә генә китә.
Сәясәтче искәрткәнчә, берничә ел элек «Гадел Россия - дөреслек өчен» депутатлары тулай торак өчен түләүне стипендиянең 10 проценты күләмендә итеп чикләүне күздә тотучы закон проектын тәкъдим иткән иде. Әмма Дәүләт Думасы һәм хөкүмәт бу идеяне «артык түбән сумма» аркасында хупламады. Моның урынына партия альтернатива тәкъдим итте – стипендияләр студентларның база чыгымнарын капласын өчен студентларга түләүне яшәү минимумы дәрәҗәсенә кадәр булса да арттырырга.
Моннан тыш, Миронов торак проблемаларын хәл итү өчен социаль аренда механизмын кулланырга кирәк, дип ассызыклады. Ул аңлатканча, сүз торак төзү яки дәүләт төзүчеләрдән фатирлар сатып алу һәм аларны мохтаҗ категория гражданнарга ташламалы арендага бирү турында бара.
Аның фикеренчә, бу базар бәяләре белән торак арендаларга мәҗбүр булган студентлар өчен генә түгел, тулай торакта бергә яшәүгә чикләүләр белән очрашучы яшь гаиләләр өчен дә реаль ярдәм булыр иде.
Кызыклы яңалыкларны күзәтеп бару өчен Телеграм-каналга язылыгыз