Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Миронов Россиядә электросамокатларны прокатка бирүне тулысынча тыярга тәкъдим итте
Дәүләт Думасы депутаты Сергей Миронов РФ транспорт министры Андрей Никитинга Россия территориясендә электросамокатларны прокатка бирүне тулысынча тыю тәкъдие белән хат юллады. Бу турыда ТАСС яза.
«Мәсьәләне системалы хәл итү һәм җәяүлеләр арасында җәрәхәтләнү һәм үлем очраклары артуны булдырмау өчен электросамокатларны прокатка бирүне тулысынча тыярга кирәк. Миронов Россия Хөкүмәте карары проектын әзерләү инициативасын күтәрүне һәм әлеге мәсьәлә буенча Министрлар Кабинеты позициясен җиткерүне сорый.
Сәясәтче сүзләренчә, адекват инфраструктура һәм нәтиҗәле кагыйдәләр булмаганда электросамокатлар турыдан-туры кеше гомеренә һәм сәламәтлегенә куркыныч тудыра, бигрәк тә аларны тәҗрибәсез кулланучылар арендага алганда.
25 км/сәг тизлек чикләве һәм тротуарлардан йөрергә рөхсәт итү — чынбарлыктагы куркынычларны һәм кулланучыларның үз-үзләрен тотышын исәпкә алмый, дип өстәде ул.
Электросамокатларны прокатка бирүне тыю төп куркыныч чыганагын — тәҗрибәсез кешеләр тарафыннан арендаланган җайланмаларны киң куллануны — бетерергә мөмкинлек бирәчәк, дип әйтә Миронов. Бу алым шәһәр киңлеген куркынычсыз итәргә, җәяүлеләрнең һәм юл хәрәкәтенда катнашучыларның иминлеген тәэмин итәргә ярдәм итәчәк, дип ышана ул.
Кызыклы яңалыкларны күзәтеп бару өчен Телеграм-каналга язылыгыз