Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Мирас» Халыкара татар мәдәнияте фестиваленә гаризалар 6 мартка кадәр кабул ителә
Фестивальнең максаты – балаларда татар халкының әдәби һәм мәдәни-тарихи, музыкаль, театр мирасына карата кызыксыну уяту.
(Казан, 25 февраль, «Татар-информ»). Самарада III «Мирас» Халыкара татар мәдәнияте фестиваль-бәйгесендә катнашу өчен гаризалар кабул итү дәвам итә. Гаризалар 2022 елның 6 мартына кадәр кабул ителәчәк.
Быел фестиваль Россия халыкларының мәдәни мирас елына багышлап үткәрелә. Бу хакта «Самара татарлары» хәбәр итә.
Фестивальнең максаты – балаларда татар халкының әдәби һәм мәдәни-тарихи, музыкаль, театр мирасына карата кызыксыну уяту. «Мирас» фестивале татар үзешчән халык иҗатының милли-мәдәни традицияләрен саклау, үстерү һәм популярлаштыруга гаять зур өлеш кертә.
Чарада Самара өлкәсендә, төбәкнең барлык шәһәрләре һәм авыл җирлекләрендә, шулай ук башка төбәкләр һәм чит илләрдә яшәүчеләр катнаша ала. Аларның милли иҗат коллективларында чыгыш ясавы, татар телендәге әсәрләр башкаруы, татар халкының мәдәниятен чагылдырган эшләр һәм кулдан ясалган әйберләр тәкъдим итүе шарт.
Кызыклы яңалыкларны күзәтеп бару өчен Телеграм-каналга язылыгыз