Минзәлия Закирова тәрбиячеләргә: Тәрбия җан җылысыннан башка була алмый
Скопировать ссылку
Татарстанның фән һәм мәгариф министры урынбасары Минзәлия Закирова «Бала-Сити» балалар бакчасы үткәргән «Туган тел» фестивалендә катнашучы тәрбияче һәм укытучыларга мөрәҗәгать итте.
«Тәрбияләү» төшенчәсе җан җылысыннан башка була алмый. Белем генә кирәк булса, кешегә мәгълүмат системаларыннан башка берни дә кирәк булмас иде. Белем белән генә баланы үстереп, кеше итеп булмый. Иң беренче итеп балага күңел җылылыгын бирү кирәк», – диде ул.
Ул фестивальгә килүчеләрнең үзләрен дә мисал итеп китерде.
«Монда да без белем артыннан гына түгел, бер-берегезнең эшен хуплар, күрер, этәргеч бирер өчен киләбез», – диде ул.