Минзәләдә «Ләкләк» бөтенроссия бэби-театрлар фестивале узды
Скопировать ссылку
28-30 майда Сабир Өметбаев исемендәге Минзәлә дәүләт татар драма театрында III «Ләкләк» бөтенроссия бэби-театрлар фестивале узган. Бу хакта ТР Мәдәният министрлыгы хәбәр итте.
Фестивальдә Мәскәү, Санкт-Петербург, Казан, Ижевск, Владимир һәм Түбән Кама коллективлары катнашкан.
Фестиваль кысаларында режиссура, актерлык осталыгы һәм бэби-театрда заманча технологияләр куллануга багышланган семинарлар сериясе узган. Уникаль темалар арасында дөньяда беренче тапкыр бэби-инсталляция ярдәмендә арт-медиация үткәрү тәҗрибәсе дә тәкъдим ителгән.