Минзәлә янында трассада ике автобус бәрелешкән, һәлак булучылар бар
Скопировать ссылку
Минзәлә районында трассада ике автобус бәрелешкән. «Татар-информ» шул хакта хәбәр итә.
ТР прокуратурасы мәгълүматлары буенча, фаҗига М7 трассасының 1100нче километрында булган. Якынча мәгълүматлар буенча, 12 кеше утырган «КамАЗ» автобусы Уфадан Чаллыга баручы Yutong маркалы автобус белән бәрелешкән. Берничә кеше зыян күргән, һәлак булучылар бар.
Һәлакәт урынына Минзәлә районы прокуроры вазифаларын башкаручы Тимур Габдуллин килде. Ведомство хезмәткәрләре тикшерү оештырган.