Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Минзәлә районының Юртау бистәсендә яңа модульле фельдшер-акушерлык пункты эшли башлады
Минзәлә районының Юртау бистәсендә яңа модульле фельдшер-акушерлык пункты эшли башлады. Ул «Сәламәтлек саклау» илкүләм проектының сәламәтлек саклауның беренчел звеносын модернизацияләү программасы буенча төзелде.
Моңа кадәр бистәдә аерым медицина пункты юк иде. Элегрәк ул бистәнең күпфункцияле үзәге бинасында урнашып, шунда халыкка медицина хезмәте күрсәтелгән була. Әлбәттә аның мәйданы заманча санитар-гигиена таләпләренә туры килми. Һәм менә декабрь ахырында медицина эшчәнлеген гамәлгә ашыруга лицензия алына һәм ФАП бистә халкына хезмәт күрсәтә башлый. Бу хакта «Минзәлә-информ» хәбрә итә.
«ФАП бинасында фельдшер кабинеты, процедура кабинеты, көтү бүлмәсе, персоналның киенү бүлмәсе, медикаментлар саклау урыны, санузел һәм санитар бүлмәсе бар. Минем эш урыным компьютер белән җиһазландырылган, ул интернетка тоташкан. Яңа бинада халыкка сыйфатлы медицина ярдәме күрсәтү өчен барлык шартлар да тудырылган», – дип сөйләде ФАП фельдшеры Юлия Шәймәрданова.
Биредә 388 кешегә хезмәт күрсәтеләчәк, аларның 104е 14 яшькәчә балалар, 222се – эш яшендәгеләр.
Кызыклы яңалыкларны күзәтеп бару өчен Телеграм-каналга язылыгыз