Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Минзәлә татар театры сәхнәсендә – Туфан Миңнуллинның “Мулла”сы
Бүген Минзәләнең Сабир Өметбаев исемендәге Татар дәүләт драма театры яңа концерт сезонын ачып җибәрә
(Казан, 2 октябрь, “Татар-информ”, Ләйсән Әсәдуллина). Бүген Минзәләнең Сабир Өметбаев исемендәге Татар дәүләт драма театры яңа концерт сезонын ачып җибәрә. Тамашачы хозурына артистлар күренекле драматург Туфан Миңнуллин әсәре буенча “Мулла” премьерасын тәкъдим итә.
Минзәлә театры 1935 елда колхоз-совхоз театры буларак оештырыла. Аңа нигез салучы Татарстанның атказанган сәнгать эшлеклесе Сабир Өметбаев була. Сәхнәдә беренче спектакль булып Кәрим Тинчуринның “Зәңгәр шәл” пьесасы уйнала. 1939 елда Мәскәүдә үткән Татар сәнгате һәм әдәбияты Декадасы чараларыннан соң театрга “Минзәлә Татар дәүләт драма театры” исеме бирелә.
1996 елда татар театр сәнгате үсешенә зур өлеш керткән өчен Минзәлә театры Сабир Өметбаев исемен йөртә башлый, һәм коллектив ТР Президентының Мактаулы Грамотасы белән бүләкләнә. 1992 елдан театр белән ТР атказанган мәдәният хезмәткәре Роберт Шәмәрданов җитәкчелек итә.
Туфан Миңнуллинның “Мулла” спектаклен режиссер Дамир Сәерханов куя. Спектакль бизәлешен – Татарстан халык рәссамы Сергей Скоморохин тәэмин итә. Музыка авторы – Юрий Чаплин. Төп мулла Әсфәндияр ролен ТР халык артисты Нур Хөсәенов башкара.
Кызыклы яңалыкларны күзәтеп бару өчен Телеграм-каналга язылыгыз