Җәмгыять 13 май 2010 13:29

Минзәлә районының өч авылында Бөек Җиңүнең 65 еллыгына багышланган һәйкәлләр ачылды

Авылларда ачылган һәйкәлләрнең һәркайсында авыл кешеләре – Бөек Ватан сугышы ветераннарының исемнәре күрсәтелгән

Скопировать ссылку

(Казан, 13 май, “Татар-информ”). Минзәлә районының Әтрәкле, Яңа Мазин һәм Рус Караны авылларында һәйкәлләр ачылды. Район башлыгы әлеге авылларның һәркайсында булып, 1941-1945 еллардагы Бөек Ватан сугышында Җиңүнең 65 еллыгына багышланган тантаналы чараларда катнашты.
Авылларда ачылган һәйкәлләрнең һәркайсында авыл кешеләре – Бөек Ватан сугышы ветераннарының исемнәре күрсәтелгән. Яу кырында ятып калган сугышчыларны бер минут тынлык белән искә алдылар.
Әтрәкле авылында һәйкәл элек тә булган, хәзер исә анда Әтрәкле һәм Чупай авылы сугыш ветераннарының исемнәрен укырга мөмкин. Рус Караны авылында ачылган һәйкәлдә Рус Караны һәм Чулпан авылы Бөек Ватан сугышы ветераннарының исемнәре күрсәтелгән. Яңа Мазин авылында һәйкәл элек тә булган, хәзер ул яңа урынга – мәктәп янына күчерелгән.
Һәр авылда узган һәйкәл ачылу тантанасында район башлыгы, ветераннар, мәктәп укучылары һәм бәйрәмгә килгән кунаклар котлау сүзләре белән чыгыш ясады. Һәйкәлләр һәм истәлекле аллеяларга чәчәкләр салдылар.

Сәхифәләр

Минзәлә районының өч авылында Бөек Җиңүнең 65 еллыгына багышланган һәйкәлләр ачылды