Минзәлә районындагы Ык елгасында булган коткару операциясенең фотолары барлыкка килде
Ир белән хатынны көчле дулкын резин көймәдә камышларга алып китә, үзләре генә ярга чыга алмый.
(Казан, 19 сентябрь, "Татар-информ"). Минзәлә районындагы Ык елгасында булган коткару операциясенең фотолары барлыкка килде, дип хәбәр иттеләр "Татар-информ"га Россия Гадәттән тыш хәлләр министрлыгының Татарстан Баш Идарәсе матбугат хезмәтендә.
Исегезгә төшерәбез: элегрәк “Татар-информ” Минзәлә районында коткаручылар бер гаилә парына Ык ярына чыгарга булышуы турында язып чыкты.
Резин көймәдә утырган ирле-хатынлы парны Гөлек авылыннан ерак булмаган камышларга алып китә. Көчле дулкын сәбәпле, алар үзләре ярга барып җитә алмый.
Урынга килгән Яр Чаллы коткаручылары 30 яшьлек ир-атны һәм 31 яшьлек хатын-кызны ярга чыгара. Алар медицина ярдәменә мохтаҗ булмый.
