Минзәлә хуҗалыкларында язгы кыр эшләре башланган
Көзге чәчүлекләр 1290, күпьеллык үләннәр 520 гектарда тырмаланган.
(Минзәлә, 17 апрель, "Татар-информ", "Минзәлә", Дильфас Галиев). Минзәлә районы хуҗалыкларында көзге культуралар 3563, күпьеллык үләннәр 1250 гектарда өстәмә сый алган. Шулай ук көзге чәчүлекләр 1290, күпьеллык үләннәр 520 гектарда тырмаланган, дым каплату 1980 гектарда башкарылган. Бу турыда җирле басма хәбәр итә.
Язгы чәчү өчен орлыкның 1300 тоннасы инкрустацияләнгән. Язгы кыр эшләрендә “Заиковский” хуҗалыгы игенчеләре сынатмыйлар, әйдәп баралар. Аларда күпьеллык үләннәрне өстәмә тукландыру 100, көзге культураларны тукландыру 50, күпьеллык үләннәрне тырмалау 28,2 процентка үтәлде.
Шулай ук Калморза хуҗалыгы механизаторлары көнне-төнгә ялгап эшләп көзге культураларны өстәмә тукландыруны 73, күпьеллык үләннәрне тырмалауны 100, көзге культураларны тырмалауны 72,7 процентта башкардылар.