Минзәләдә ике катлы йорт янган
Янгын 140 кв метр мәйданга зыян китергән.
Скопировать ссылку
(Казан, 25 апрель, “Татар-информ”). Минзәләдә ике катлы йорт янган, дип хәбәр иттеләр “Татар-информ”га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә.
Җәлил урамында шәхси йорт януы турындагы хәбәр ашыгыч хезмәтнең 112 бердәм номерына 13 сәгать тирәсендә килгән.
Янгын сүндерү хезмәткәрләре гадәттән тыш хәл урынына санаулы минутта килеп җиткәннәр. Алар бер сәгатьтән дә ким вакытта янгынны тулысынча сүндергәннәр.
Янгында зыян күрүчеләр юк. Янгын 140 кв метр мәйданга зыян китергән.