Авыл 7 октябрь 2018 09:00

Минзәләдә балык үрчетүчеләр 5 миллион сумнан артык грант отты

Алар ел дәвамында 15-20 тонна балык үрчетеп сатарга планлаштыра.

Скопировать ссылку

(Минзәлә, 7 октябрь, "Татар-информ", "Минзәлә", Дильфас Галиев). Минзәлә районы Коноваловка авыл җирлегендә Ашпала күлендә Габдрәшит әфәнде балык үрчетү белән өч елга якын шөгыльләнә, аңа бу эштә улы Ринат ярдәм итә, дип яза җирле басма.

“2017-2020 елларга Татарстан Республикасында крестьян-фермер хуҗалыклары арасында гаилә терлекчелек фермаларын үстерү” ведомство программасы буенча грантлар бирү өчен КФХ проектларын сайлап алу конкурсына йомгак ясалды. Әлеге конкурста республикабызның 7 районыннан 15 КФХ катнашты, шуның 10сы грант отты. Минзәлә районыннан Ашпала авылы күлендә балык үрчетү фермасыннан Ринат Мөхәмәтҗанов җиңеп чыкты һәм 5 миллион 312 мең сум күләмендә грант отты.

3 октябрь көнне Татарстан Республикасы Премьер-министр урынбасары, авыл хуҗалыгы һәм азык-төлек министры Марат Әхмәтов әлеге грантны Ринатка тапшырды. Ринат ел дәвамында 15-20 тонна балык үрчетеп сатарга планлаштыра.

#Минзәлә

Сәхифәләр

Минзәләдә балык үрчетүчеләр 5 миллион сумнан артык грант отты