Минтимер Шәймиев Татарстан Президентын һәм муниципаль депутатлар сайлауда катнашты
Татарстан Республикасы Дәүләт Киңәшчесе Боровое Матюшино бистәсендә сайлау участогында тавыш бирде.
(Казан, 13 сентябрь, «Татар-информ»). Бүген Татарстан Республикасы Дәүләт Киңәшчесе Минтимер Шәймиев Татарстан Президентын һәм муниципаль берәмлек вәкиллекле органнарына депутатлар сайлауда катнашты. Бу хакта Татарстан Президентының матбугат хезмәте хәбәр итә.
Минтимер Шәймиев Татарстан Республикасы Лаеш районының Боровое Матюшино бистәсендә сайлау участогына килеп, тавыш бирде.
Татарстанда көзге сайлаулар 11,12 һәм 13 сентябрь көннәрендә үтә. Республикада берьюлы 4 сайлау кампаниясе оештырылган: Татарстан Президенты һәм хакимиятнең җирле органнары депутатлар сайлау, шулай ук Россия Дәүләт Думасына һәм Татарстан Дәүләт Советына сайлау.