Рәсми Татарстан 26 гыйнвар 2010 12:22

Минтимер Шәймиев Россиянең иң яхшы лоббистлары арасына керде

Ул “Лоббистлар – төбәк лидерлары” номинациясендә нәтиҗәлелеге иң югары лоббистлар исемлегендә икенче урынны били

Скопировать ссылку

(Казан, 26 гыйнвар, “Татар–информ”). Икътисади яңалыклар агентлыгы коммерция һәм дәүләт структуралары вәкилләре, депутатларның билгеле бер структуралар, тармаклар, төбәкләр яки җәмгыять катлауларының мәнфәгатьләрен чагылдыручы проектлар булдыруга юнәлдерелгән эше ни дәрәҗә нәтиҗәле булуын тикшерүне дәвам итә.
Татарстан Президенты Минтимер Шәймиев Россиянең иң яхшы лоббистлары арасына керде. Ул узган елның декабрь ае нәтиҗәләре буенча “Лоббистлар – төбәк лидерлары” номинациясендә нәтиҗәлелеге иң югары лоббистлар исемлегендә икенче урынны били. Мәсәкү мэры Юрий Лужков – беренче урында. Санкт–Петербург губернаторы Валентина Матвиенко һәм Кемерово өлкәсе башлыгы Аман Тулеев өченче урынны бүлешә. Бу хакта “Независимая газета” яза.
“Лоббистлар – югары вазифа биләүчеләр” номинациясендә РФ Хөкүмәте Аппараты башлыгы Сергей Собянин – беренче, РФ Премьер–министрының беренче урынбасары Игорь Шувалов – икенче, РФ Президенты Администрациясе башлыгы Сергей Нарышкин өченче урында.

Сәхифәләр

Минтимер Шәймиев Россиянең иң яхшы лоббистлары арасына керде