Рәсми Татарстан 31 октябрь 2009 18:08

Минтимер Шәймиев Евгений Примаковны юбилее белән котлады

“Сезнең хезмәт сөючәнлегегез, энтузиазм һәм иҗади активлыгыгызга сокланам”, – дип ассызыклады ТР Президенты

Скопировать ссылку

(Казан, 31 октябрь, “Татар–информ”). Бүген Татарстан Республикасы Президенты Минтимер Шәймиев РФ Сәүдә–сәнәгать палатасы Рәисе Евгений Примаковны 80 яшьлеге белән тәбрикләде.
“Бу көн Сезгә – Россиянең абруйлы сәяси һәм дәүләт эшлеклесе, тәҗрибәле дипломат, башкалардан аерылып торган, талантлы кешегә чын йөрәктән чыккан сүзләрне тагын бер мәртәбә әйтү өчен менә дигән мөмкинлек. Журналистика һәм фәнни эшчәнлек, дипломатия һәм “зур сәясәт”, тышкы разведка һәм Россия Хөкүмәте башлыгы вазифасы – ни белән генә шөгыльләнсәгез дә, боларның һәркайсында Сезнең тирән белемегез, зирәк акылыгыз, анализлау сәләте чагылыш тапты. Бай тәҗрибәгез һәм мәсьәләләрне хәл итүгә стратегик якын килүегез аркасында Сез җитәкчелек иткән Россия Сәүдә–сәнәгать палатасы бүгенге көндә Россия бизнес–бергәлегенең дәүләтләр һәм Халыкара оешмалар арасындагы нәтиҗәле диалогын тәэмин итүче оешмалардан санала. Сезнең хезмәт сөючәнлегегез, энтузиазм һәм иҗади активлыгыгызга сокланам. Сезгә ныклы сәламәтлек, озын гомер һәм барлык хыялларыгызның тормышка ашуын телим”, – дип ассызыклады М.Шәймиев үзенең котлавында. Бу хакта ТР Президентының матбугат хезмәте хәбәр итә.

Сәхифәләр

Минтимер Шәймиев Евгений Примаковны юбилее белән котлады