Минтимер Шәймиев башкаруындагы җыр видеосы социаль челтәрләрдә популярлаша бара
Татарстанның Беренче Президенты баянга «Эх, алмагачлары» җырын башкарды.
(Казан, 14 июнь, «Татар-информ»). Бүген, 14 июньдә Instagramда видео пәйда булды. Анда Татарстан Дәүләт Киңәшчесе Минтимер Шәймиев «Эх, алмагачлары» популяр татар композициясен башкара.
Видео кулланучы Ilmir Абзый нигы белән урнаштырылган. Социаль челтәр битендәге мәгълүматларга караганда, ул АКШта эшмәкәрлек белән шөгыльләнә.
Тамашачылар шактый җыелган җирдә Татарстанның Беренче Президенты баян аккомпанементына җыр башкарды.
«Тиздән Америкада гастрольләр белән», - дип шәрехләгән басма авторы. Җыр финалында Минтимер Шәймиев елмая, ә кунаклар аны бергәләп алкышлыйлар.
Җыр күңелгә ятышлы булган. Кулланучылар «Афәрин», «Шәп!!!», «Бик шәп җырлый әле», дип хуплап язганнар.