Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Миңнуллина: Татарстан һәм Кытай ун ел эчендә товар әйләнешен 12 тапкырга арттырды
Татарстан һәм Кытай 10 ел эчендә товар әйләнешен 12 тапкырдан артыкка – 3,35 млрд сумга кадәр арттырды. Мондый саннар ТР Министрлар Кабинетында «РОСТКИ: Россия һәм Кытай – үзара файдалы хезмәттәшлек» халыкара форумына багышланган брифингта билгеле булды.
«Мин сезнең игътибарыгызны үсеш динамикасына юнәлтергә телим: әгәр ун еллык ретроспективаны карасак, Татарстан һәм Кытай Халык Республикасы товар әйләнешен унике тапкырдан артыкка арттырды. Һәм шул ук ун елда безнең илләр арасында товар әйләнеше дүрт тапкырга диярлек артты», - дип хәбәр итте ТР Инвестицион үсеш агентлыгы җитәкчесе Талия Миңнуллина.
ТР Инвестицион үсеш агентлыгы презентациясе мәгълүматларына караганда, 2015 елда Татарстан белән Кытай арасында товар әйләнеше күләме 264,3 млн доллар тәшкил иткән, ә 2025 елда – 3,35 млрд сум.
Миңнуллина 2025 елда Татарстанның төп тышкы сәүдә партнерларын санап чыкты: беренче урында – Кытай, икенче урында – Төркия, өченче урында – Һиндстан, аннары Белоруссия һәм Казахстан.
«Кытай – безнең төп сәүдә партнерыбыз, һәм безнең фән өлкәсендә дә, җитештерү инвестиция проектларын да гамәлгә ашыру мөмкинлегебез бар», - диде Миңнуллина.
«РОСТКИ: Россия һәм Кытай – үзара файдалы хезмәттәшлек» IV халыкара форумы Казанда 16-19 август көннәрендә узачак.
Яңалыкларны күзәтеп бару өчен Макс-каналга язылыгыз