Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Миңнеханов туган якны өйрәнү яшьләрне тәрбияләүдә мөһим юнәлеш булырга тиеш дип белдерде
Туган якны өйрәнү яшьләрне тәрбияләүдә һәм эчке туризмны үстерүдә төп рольне уйнарга тиеш. Татарстан Рәисе Рөстәм Миңнеханов республика Рәисе каршындагы Мәдәният һәм сәнгать советы утырышында шулай дип белдерде.
Аның сүзләренчә, бүген төбәктә һәм тулаем илдә туристларга һәм халыкка күрсәтергә мөмкин булган маршрутлар һәм объектлар эзләүгә карата кызыксыну арта.
«Туган якны өйрәнү - бик мөһим юнәлеш. Татарстанның тарихы бай, нинди генә объектлар юк! Һәм соңгы елларда без инфраструктура ягыннан бик алга киттек», - диде Миңнеханов.
Ул билгеләп үткәнчә, эчке туризм яшьләрне тәрбияләү һәм туган якка карата кызыксыну уяту алымнарының берсе булырга тиеш. Аның сүзләренчә, республикада чит ил юнәлешләре белән беррәттән ихтыяҗ булырлык мәдәни һәм тарихи объектлар шактый. Зөя, Алабуга һәм Чистай, шулай ук төбәк эчендәге башка маршрутларны шулар исәбенә кертергә мөмкин.
Татарстан лидеры шулай ук төбәкне өйрәнү юнәлешен үсеше даими контрольдә булырга һәм төбәк мәдәни сәясәтенең өстенлекле юнәлешләреннән берсе булып калырга тиешлеген искәртте.
Кызыклы яңалыкларны күзәтеп бару өчен Телеграм-каналга язылыгыз