Рөстәм Миңнеханов Казанда узачак «АГРОВОЛГА» күргәзмәсенә чакырды
Татарстан Рәисе Рөстәм Миңнеханов МАКСтагы рәсми каналында «Казан Экспо»да узачак «АГРОВОЛГА» Халыкара күргәзмәсе турында искәртте. Чара 8 июльдә ачыла.
«Россиянең 39 төбәгеннән, шулай ук Беларусь, Төркия, Кытай һәм Ираннан 400 компания һәм катнашучыны көтәбез, алар үсемлекчелек һәм терлекчелек, авыл хуҗалыгы техникасы һәм комплектлау материаллары, агросәнәгать комплексын цифрлаштыру, авыл хуҗалыгы продукциясен саклау, эшкәртү өлкәсендә алдынгы карарлар тәкъдим итәчәк», – дип язган Миңнеханов.
ТР Рәисе сүзләренчә, күргәзмәгә килүчеләрне павильонда һәм ачык һавада зур программа көтә.
«Әлеге чарада катнашырга чакырабыз!» - дип өстәде ул.
Видео: ТР Рәисенең МАКСтагы рәсми каналы