Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Миңнеханов Хөснуллинны 60 яшьлек юбилее һәм Төзүчеләр көне белән котлады
Татарстан Рәисе Рөстәм Миңнеханов социаль челтәрләрдәге сәхифәләрендә Россия Хөкүмәте вице-премьеры Марат Хөснуллинны 60 яшьлек юбилее һәм Төзүчеләр көне белән котлады.
«Марат Шакирҗанович! Шулай туры килде, бүген - Сезнең юбилеегыз һәм без Төзүчеләр көнен билгеләп үтә башлаганга нәкъ 70 ел.
Бу зур символик мәгънәгә ия! Котлыйм! Йортлар, күперләр, юллар, иҗтимагый киңлекләр, заводлар – кешеләр тормышы һәм эше өчен булдырган барлык әйберләрегез өчен дә зур рәхмәт!» - дип язган ТР Рәисе МАКС мессенджерындагы каналында.
«Төзүченең авыр хезмәте һәр заманда да хөрмәттә һәм игътибар үзәгендә булган һәм булачак. Бәйрәмегез котлы булсын! Төзүчеләр көне белән!» – дип өстәгән Рөстәм Миңнеханов.
Республика җитәкчесе шулай ук нейрочелтәрләр ярдәмендә ясалган кыска видеоролик урнаштырган. Анда Рөстәм Миңнеханов һәм Марат Хөснуллинны күрергә мөмкин, икесе дә каска кигән, бер-берсенең кулларын кысалар.
Төзүчеләр көне 1955 елда СССР Югары Советы Президиумы указы белән гамәлгә куела. Беренче тапкыр аны 1956 елның 12 августында билгеләп үтәләр.
Видео: max.ru/rustamminnikhanov.
Кызыклы яңалыкларны күзәтеп бару өчен Телеграм-каналга язылыгыз