Рөстәм Миңнеханов Сергей Собянинны Хезмәт Герое исеме бирелү белән котлады
Скопировать ссылку
Татарстан Рәисе Рөстәм Миңнеханов «Макс»тагы каналында Мәскәү мэры Сергей Собянинны Россия Федерациясе Хезмәт Герое исеме бирелү белән котлады.
«Сергей Семеновичны Хезмәт Герое исеме бирелү белән котлыйбыз! Президентның мондый бүләкне Мәскәү шәһәре көнендә тапшыруы аеруча хөрмәткә лаек!» – дип язган Миңнеханов.
Ул Татарстан белән Мәскәүне күпьеллык җылы мөнәсәбәтләр бәйләвен билгеләп үтте. Республика Рәисе шулай ук башкаланың уңышларын һәм Собянинның аның үсешенә керткән шәхси өлешен искәртте.